Mange adi búcsi múre bejátongó dad rakjász. Papinyencal kerasz búcsi. Andi pas rácsi gyaszthar óthe, ó manusa nagyon lácse jileszke nile. Nagyon kamen man. Kamav muri bucsi. Me dikav le papinylen, hogy naszvale hile vagy paúraszle hile. Roma ku gágye keren bucsi. Nagyon misto nacsarasz amen. Leg misto tanag egybe namle, ekhe kávereszke segitinasz. Pegy bucsi ó leg misto tanag csácsipo penasz nacsarasz ekhe kháveresz. Kanag opre ustav andi pas rácsi moró jiló dukal pal ó bejáta. Tanag uravav man gyanel o dél moró jiló rovel, szar pelende dikav, szar szoven, de palende gyav. Muszáj hi. Gyanavlenge te kinen szó kapel adnadó kucsipó. Szako dikel káj kerel bucsi, szakó ote gyal, káj majd but den. Szakor rácsi szár gyavtar e, devlesz mangav pelende, te loszarel pelende szár gyan andi iskola. Mure bare csaja ingren le szemonen andi iskolla, aba gyanem o csaja szó, szár, hi ku anenlen. Tanag kére riszav andari bucsi, akkor távav, thovav, takaritinász, lenge dadehel duj dzséne kerasz mindent. Phárohi még mange, de nina bánav, mert gyanav, hogy o palende gyav lenge, tavel misto adó. Ker ande szószte akanag besav, andar odale lavehi, palszoszte bucsi kergyom edigis. Amen daja odi dikasz szóhi o misto le családazke. Adalehel – aba engedelmo mangav tumedar – ó Dél tavel tumencal andado lungo trajó.